Archive | October, 2011

Saza

28 Oct

Sazaa hai ishq ki ya dard ka izhaar hai

hum se bichad ke wo mohabbat talaashne lage 

Advertisements

Kitne ‘Insaan’ Ho Gae ho Tum !

21 Oct


Har jagah farq dhoond lete ho
Kitne ‘Insaan’ ho gae ho tum

Ilm ka ho gaya hai tum ko junoon
Rozi – roti ki baat karte ho
Saare ehsaas mar gaye jaise
Shayad kutch ‘Khaas’ ho gae ho tum

Har ek gham ko dhaanp dete ho
Kitne ‘Insaan’ ho gae ho tum

Sunte rahte ho dil ki aawaazein
Ek magroor be-wafa ki tarah
Baat karte ho narm lahje mein
Aur bachcho ko daant dete ho

Khoob karte ho baatein ikhlaaqui
Kitne ‘Insaan’ ho gae ho tum

Khud ka ek naam rakh liya tumne
Phir bhi pehchaan dhoondte ho tum
Jhoot kahte ho jab ke tum khush ho
Dard hone ki bhi baat karte ho

Likhte rahte ho ghazlein insaani
Kitne ‘Insaan’ ho gae ho tum

-Shafiullah
14:45 , 21.10.2011, Lucknow

Ilm : Knowledge
ikhlaaqui: compassionate

21 Oct

 uske andaaz shayaraana hain
phir bhi khamosh sa hi rahta hai
sochta hai jahaan ki batein
kash k dil yeh bolta hota

aur din nikal aaya

11 Oct

kash tere jhoote waade
zindaghi ki sachchaai lagte
khamakha subah ho gai
aur din nikal aaya

Dilemma

9 Oct

Dhoondte dhoondhte aakhir hum yahan aa hi gae
ab na rukte hi bane hai , aur na chalte hi bane

khwaab wafa aarzu….

5 Oct

bewafa hum hai jo tujh se wafa ko maanga
ab bhala  ishq koi maangne ki cheez hai?

khwaab wafa aarzu….

5 Oct

mujhe sooraj ki talab thi, hai mujhe chaand mila
shayd mujhko hi nahi aata ki maange kaise?