Archive | July, 2012

insaan aaine ka badalta chala gaya !

24 Jul

tasveer ek maqaam si thahri rahi magar
insaan aaine ka badalta chala gaya

tha bepanaah sabr jis dariya ki ret mein
sheeshe mein dhal ke waqt sa chalta chala gaya

woh adam jo ki roke toofaan ko pahaad sa
mushkil mein barf sa pighalta chala gaya

roke se ruk gaya jo jhukaane se na jhuke
insaan ka zameer hai , kab kya woh kar gaya

naahak hi wahshat-o-ishq mein jalta tha raat din
jo jis ke muqaddar mein tha woh usko mil gaya

kutch tera rah gaya tha , kuchh mujh pe tha baaqi
main raat-o-din hisaab milata hi rah gaya
-shafi

 

 

Advertisements

taqdeer pur-sitam

19 Jul

naahak hi josh mein kari manzil ki thi talaash, jab
tadbeer namuraad thi , taqdeer pur-sitam

-shafi

10 Jul

dil mein ek shama jalane se mayassar kya hai
sang dilon ko faqeero ka qasa kya hai

kyon karte hain log har ek farq par haaye tauba
ho jo insaan to phir rang aur bhasha kya hai

ek to insaan ko maabood banaye baithe ho
phir zabaan pe yeh shahadat ka tamasha kya hai

lutti rahti hai izzat mere gulista ki
phir baharon ke aane ki dilaasa kya hai

-shafi

lazzat-e-maut naam tanhaai

8 Jul

jo na hui qatl se mere uske dil ko khushi
laga ke ishq ki aatish(fire) woh bewafa ho gai

qist me maut ki si lazzat, hai naam tanhaai 
shab dhali bhi na thi ki phir se subah ho gai

poocho kaisa lage hai baad mere marne ke
samajh lo dil hai par dil mein justajoo na rahi

safar mein sath chalo, sath ruko, sathi ban kar
ruka jo main to woh chalti gai, ‘duriyaan’ ho gai