Archive | January, 2013

tahzeeb

25 Jan

mujh ko tahzeeb sikhane wale
yun nahi jaate hain jaane wale

tahzeeb = etiquettes

Advertisements

justujuoo …khwahishein

18 Jan

meri justujoo ko beshak meri khwahisho ne maara
jo akela chalta aaya tha , use yaar ki talab kyon?

lazzat

18 Jan

yeh jo hawaaein hain , kis ore se aai hain
inki lazzato ki baais kya unki adaein hain?

alwida

18 Jan

har ‘Alwida ‘ ka maqsad ‘gar jaana hota
to kyon khaamosh nigaaho se woh takte rahte

kutch is tarah se woh kahte hain har baat
sone ki khwahish mein saari raat hum jagte rahte

Goonjein

15 Jan

is veerane mein bas teri hi goonjein hain
warna har shor hai khamosh tere bina

Muaashra, The Society

7 Jan

muaashrey ke naqaabo ko taar taar kar

bujh gai woh shama jisko abhi jalna tha

Phir se

7 Jan

aao phir se qareeb baitho tum
dekho mujhko unhi nigaho se

phir se inkaar e ishq kar do tum
guzre yeh zindaghi manane mein

mana yeh baat ghalat hai lekin
kya burai nahi zamane mein 

bhool jana humein dubara se
tum to maahir ho ab bhulane mein

phir bhi ek baar samne to baitho
waqt beete nahi bitaane mein