Archive | August, 2013
27 Aug

aag ke dariya se moti main le ke aaya hu
kitna khudgarz hu main ke , tanha aaya hu

Advertisements

STINT

18 Aug

mumkin hai ki maine har baat ghalat ki ho
milne ke bahane se, mulaaqaat ghalat ki ho

warna kahan hoti hai nigaaho se mohabbat ab
mumkin hai ke humne shuruaat ghalat ki ho

laute woh juda ho kar, par zakhm abhi bhi hai
toote hue dil ne kahin faryaad ghalat ki ho

dekhe bhi kya likkha hai haatho ki lakiro ne
ghalti se hi qismat ne, yeh baat ghalat ki ho

Azaad

13 Aug

Ho tum azaad dhaaga e ishq mein

ya ghulaam e mohabbat , azaad ho

 

ke meri mohabbat awaaz e be panaah hai, jise

 

koi shor e bad-zabaan samjhe

koi nida e jaam e kamaal samjhe

uljhi suljhi baatein

10 Aug

unke pahlu mein guzarti hui raaton ka ehsaas
aur sawaalon ka nikalna, kaarvaan ban ke

uljhi suljhi hui baaton mein zindaghi ke sawaal
us pe khwaahish ka nakalna, armaan ban ke