Archive | January, 2014
19 Jan

usko tu bewafa na kah
ab meri dilruba na kah

ke woh ab khud-mukhtaar hai
haan ab bhi deendaar hai

khud-mukhtaar- independent
deendaar – pious

meri gali se jaate hain
woh ab bhi muskuraate hain

woh tab bhi shaan se gae
woh ab bhi shaandaar hain

goya firaaq jaisa hai
ya wasl ka qaraar hai

qayam hai apne waade par
use aaj bhi inkaar hai

jis dil ki thi suni nahi
izzat jise azeez thi

woh naaz, berukhi, woh ana 
woh sab barqaraar hai

ke woh ab khud-mukhtaar hai
haan ab bhi deendaar hai

19 Jan

After reading “forty five a month” from Malgudi Days

ke chhod aya main khwaab zindagi k liye

aur chhoot jaein na ahbaab naukri k liye

ahbaab= beloved ones

Yeh Udaasiyaan

4 Jan

yeh meri udaasiyaan
kisi aamad ka intezaar ho
ya kisi khushi ka na hona
hi meri zindaghi ka qaraar ho

beqaraar ho ke aaj shab
main guzaar du?
aur guzar gai, yeh zindaghi !

yeh zindaghi ki panaah mein
be-ummeed
bina chaah mein

hai khatak raha, ek khayal sa
bujha hua sa, malaal sa
khud se karu jo sawaal sa
be-husn be-jamaal sa !
yeh waqt !!
yeh waqt lo guzar gaya !!

yeh udaasiyaan hi qaraar hain.
yun hi zindaghi kya guzaar du?